संघीय मामिला तथा सामान्य प्रशासन मन्त्रालयले निमित्त प्रमुख प्रशासकीयको राज अन्त्य गर्ने तयारी गरेको छ । मन्त्रालयले यस अघि ७८ जना शाखा अधिकृतहरुलाई एकै पटक स्थानीय तहको प्रमुख प्रशासकीइ अधिकृतको जिम्मेवारी दिएर खटाइ गाउँपालिकामा निमित्त निमिट्यान्न पारेको थियो । अब आजै साँझसम्ममा निमित्त प्रमुख प्रशासकीय अधिकृतले चलाइरहेका नगरपालिकामा कन्र्फम प्रमुख प्रशासकीय अधिकृतलाई खटाउने तयारी गरेको छ ।
हालदेशभरका ४३ नगरपालिकामा प्रमुख प्रशासकीय अधिकृत विहिन छन् । त्यस्ता स्थानमा मन्त्रालयले उपसचिवहरुलाई प्रमुख प्रशासकीय अधिकृत बनाएर खटाउन लागेको हो । यस अघि शाखा अधिकृतहरुलाई गाउँपालिकामा खटाइँदा स्थानीय तहमा नगएका,सिंहदरबारभित्रै बसेर रजगज गरेका कर्मचारीहरु प्रथामिकतामा रहेका छन् ।
बिज्ञापन
मन्त्रालय स्रोतका अनुसार गृह मन्त्रालयबाट मात्र ९ जना उपसचिवहरुलाई निकालेर स्थानीय तहमा पठाइँदैछ । शहरी सचिव र सहसचिवहरुले च्यापेर शहरी विकास तथा भवन निर्माण विभागमा खटाउने तयारी गरिरहेका उपसचिवद्धय बैकुण्ठ उपाध्याय र इन्दिरा थापाको नाम समेत सरुवाको सूचीमा छ । बेलुकासम्ममा सूची फेरबदल भएन भने उनीहरु पनि स्थानीय तहको प्रमुख प्रशासकीय अधिकृत बनेर नगरपालिका पुग्नेछन् । यस्तै संघीय मामिला तथा सामान्य प्रशासनमा जरा गाँढेर बसेका ५ उपसचिवहरुलाई मन्त्रालयबाट निकालेर नगरपालिकामा खटाइँदैछ । यो सूचीमा जागिर प्रवेश गरेदेखि २७ बर्ष सिंहदरबारमै डेरा जमाएर बसेका उपसचिवको नाम पर्दछ वा पर्दैन,त्यो हेर्न बाँकी छ ।
बिज्ञापन
मन्त्रालयले लामो समयदेखि सिंहदरबारस्थित मन्त्रालय,कार्यालय,आयोगहरुमा डेरा जमाएर बसेका,ज्येष्ठता र हालसम्म स्थानीय तहमा अनुभव नभएका उपसचिवहरुलाई त्यहाँबाट निकालेर स्थानीय तहमा प्रमुख प्रशासकीय अधिकृत खटाउने तयारी गरिरहेको जनाएको छ । यो सूचीमा गृहका ९,सामान्यकै ५,शहरीका २ र अन्य मन्त्रालयका गरी ४३ जना खटन पटन हुन लागेको मन्त्रालय स्रोतले जनाएको छ ।
विभागमा उपसचिव खटाउने बिषयमा सचिव र सहसचिवको टकराब
बिज्ञापन
